Stundum byrjar myndatakan svona…
Þið vitið þessa daga… þegar þú ert búin að vera sveitt á hlaupum, passa að allir í fjölskyldunni séu í réttum fötum, hreinir í framan og sæmilega greiddir.
Þið eruð komin í myndatökuna og einhver þverneitar að taka þátt. Þessi stutta hér að neðan var aldeilis ekki á þeim buxunum að vera með. 
En það mikilvægt að muna að við elskum myndir af börnunum okkar í alls kyns skapi.
Okkur getur jafnvel þótt vænst um myndina með fýlusvipnum sem lýsir vissum augnablikum sem eru einkennandi fyrir okkar barn.
Það er því mikilvægt að vera opin fyrir því að leyfa hlutum að gerast.
En þegar fjölskyldur slaka á og fara bara að njóta þess að vera saman þá gerist eitthvað töfrum líkast.
Við sjáum hvernig þau tengjast og væntumþykjuna milli barna og foreldra.
