Brúðarbíllinn fór ekki í gang…
Við vorum búin að hittast fyrir nokkrum dögum fyrir brúðkaupið til að ræða um stóra daginn og brúðkaupsmyndatökuna. Við ræddum um væntingar til dagsins og hugsanlegar staðsetningar fyrir útimyndatöku og hvað gera skyldi ef veðrið yrði ekki hagstætt. Það skiptir miklu máli að fara vel yfir allt og undirbúa sig sem best. Eins og ávallt ítrekaði ég það hve mikilvægt það væri að njóta augnabliksins og undirbúa sig einnig undir það óvænta. Því sama hve undirbúningurinn er góður mun alltaf eitthvað óvænt geta komið upp á.
Dagurinn rann upp, sólríkur þótt haustgolan væri svolítið köld.
Athöfnin fór fram í Garðakirkju og íslenski fáninn blakti við hún.
